Grínvísur um matareitrun á Dalvík, (frá 2014.)

Set inn kveðskapinn sem ég orti um matareitrun á Dalvík. 

Leituðu á heilsugæslu með matareitrun

mbl.is

Brest í ljóð:

Núna flýgur fiskisaga

fengu sumir illt í maga,

matareitrun mun nú plaga

menn, sem halda "fiskidaga."

Alvarlegum augum líta

atburðinn, á jaxlinn bíta.

Ýmist gubba eða skíta

allir sér á klósett flýta.

Matareitrun illþolandi

ekki neinum varð að grandi.

Nú er kátt á norðurlandi

nú mun allt í besta standi.

Salmonellu-súpa í pottum,

saurgerlar í krásum flottum

út af þessu ýmsir glottum

eins og kvæðið ber nú vott um

Kári Friðriksson, 2014.

Áskorun á Sveppa,karifrid (Á youtube.) Textinn .

      Áskorun á Sveppa.Lag og ljóð Kári          Friðriksson.

Þú grínari mikli sem ekur um allt,       
sem útvarpar spaugi úr bílnum.
Ég læt þig nú vita að lánið er valt
og líklegar hefndir frá skrílnum.

Því fólk sem þú níðir í fýlu nú er,
þú ferð nokkuð oft yfir strikið.
Það óþverra grínsem þú gerðir,að mér
var gróft,og mér sárnaði mikið.

Ég frétti,þú lent hafir einelti í,
með útlit þit grínast og spikið.
Ég verð nú að segja,mér virðist af því
varla,þú lært hafir mikið.

Að grínast með feita og fatlaða er
sko "fyndni" af lakasta tagi.
Þitt lélega innræti alþjóð nú sér,
þú ert ekki Sveppi,í lagi.

Að ganga of langt,eiga grínarar til
en gáð´að mig skortir ei kraftinn.
Ég reiddist þér Sveppi og vegna þess vil
þér veglega gefa á kjaftinn.

Þú óþverrakjaftur sem áreittir mig
ég á þig í slag núna skora.
Í lokuðu búri ég lemja skal þig,
(en líklega munt´ekki þora.)

Klárað 22.1.2021. Kári Friðriksson.
Mannlíf.is fjallaði ágætlega um þetta og kom með dæmi um hvað þeir sögðu um mig á podkastinu. Einnig er texti neðan við myndbandið á youtube með þessum texta við lag eftir mig. 
Munið: "Engin skyldi skáldin styggja, skæð er þeirra hefnd."

Sá yðar sem syndlaus er,kasti fyrsta steininum. (Limrur.)

Úr glerhúsi grjóti menn kasta
þeir gróflega klæmast og lasta.
Já sumir þeir þvaðra
og setj´út á aðra,
nú segjum við barasta,BASTA!

Í réttlátri reiði,menn skamma
og rægja þá,sem voru að djamma.
Við finnum þá seka
og þá flesta skal REKA.
Hvort eruð þið betri? Spyr amma.....

 

 

Vísur um fréttina...

Til Ferðamálafrömuða vegna frétta frá Þingvöllum.

Alvarlegum augum líta
ættuð þið.
Útlendingar einatt skíta
úti við.

Örugglega ekki hissa
eruð þið.
Útlendingar einnig pissa
úti við.

Ágætt ráð vil ykkur segja
öllu við.
Ráð við þessu,það er bleyja
á þetta lið.

„Míga og skíta“ glottandi við Gullfoss

Ljóðstafur Jóns úr Vör 2014. EKKERT LJÓÐ NÓGU GOTT fyrir verðlaun.

Sælir ljóðaunnendur. Ég set hér ljóð sem ég sendi í keppnina nú í ár. Þetta er reyndar við lag sem ég samdi, og sendi í Júróvisiona....Er nú að útsetja það fyrir kór, en Raggi Bjarna eða Bogomil Font voru þeir sem ég vildi helst láta syngja lagið, sem er meira í stíl 1930 til 1950 , en dagsins í dag. Ég hef ekki séð þau ljóð sem unnu keppnina síðustu ár, svo ég hef ekki samanburð. Mér finnst að "ljóð" sem ekki hafa stuðla,höfuðstafi eða rím ættu að kallast eitthvað annað en ljóð....Sem tónlistarmaður, vil ég hafa ákveðið form og hrynjanda í ljóðum, svo að maður þurfi ekki að reyna að gera lag við "hrynlausan óskapnað"  Ljóð eins og ég yrki, eru ekki í tísku kannski, en "formleysið" í nútíma "ljóðum"  er kannski ástæðan fyrir miklu minni eftirspurn eftir ljóðum í dag, miðað við daga Davíðs Stefánssonar og eldri skálda.... HÉR SET ÉG MITT LJÓÐ FYRIR NEÐAN.....

 

                  

Of feiminn.

Hugsa ég löngum um horfna tíð,                                huggun og gleði það er.
Þá stendur eftir svo björt og blíð                                     brosandi myndin af þér.

Ung vorum bæði,ég unni heitt,                                   ekki samt vissi þinn hug.                                        Ráð til að vinna þig viss´ei neitt,                             vantaði kjark þá og dug.

Veggurinn milli hann var of hár                         viðkvæmur, feiminn ég sat,                                             um það hvort líkt brynnu okkar þrár                             alls ekki vitað ég gat.

Stundum, við björtustu brosin þín                          bjarmi í augunum sást.                                  Hrifnæm og barnaleg hugsun mín                         hélt kannski það vera ást.

Aldrei, ég vita mun ár og síð                                         ást, hvort þú hafðir á mér.                                       Hugsa ég löngum um horfna tíð                                  horfi á myndina af þér. 

 

FÚLT. Gat ekki sett ljóðið venjulega inn,(copy / paste ) tölvan ólagar það. Set það samt inn, því svona ljóð, eru í formi, þótt þeim sé vitlaust raðað upp.......

Orti ljóð í gær,vegna 10 ára barns sem múslimar notuðu til hryðjuverka.

Orti um þetta ódæði....

"Hetjskapinn" marka má,
Múslima,á þessu
er þeir blessuð börnin smá
brúka, og sprengja í klessu.

Við í fréttum fáum séð
fleira,um þessa peyja.
Ef þú teiknar Múhameð
muntu í staðin deyja.

Sein til hefnda er siðuð þjóð,
samt er mál að linni.
Mun þá renna múslimskt blóð,
margir lokast inni.

Las um stórfellt stríð sem mun
standa á vorum dögum.
Spillingu og sprengjudun
spáð í fornum sögum.

Nostradamus varar við
voða á þessum tíma.
Ýmsir vilja eyða frið,
illt við slíkt að glíma.

Fleirum hjá en franskri þjóð,
(fornar bækur kenna)
munu þeirra,og múslimskt blóð,
meira fá að renna.....

Að við loksins fáum frið,
fornar bækur segja.
Ísland mun þar leggja lið,
ljúft er mér að segja....

Ég var einmitt að lesa spádómana um Ísland og fleira í bók, sem kom út
fyrir c.a. tuttugu árum. Miðað við þá spádóma, á nú eftir að ganga eitthvað á....
Ég ætlaði nú bara að yrkja eina vísu, út af 10 ára stelpunni, sem var plötuð (neydd) til að ganga með sprengju ....Þetta lengdist aðeins...
Þessu má deila....

 

Þetta setti ég á netið í gær, hef áður skrifað um "umskurn kvenna" sem víða viðgengst, jafnvel þrátt fyrir að hafa verið bannað. Ef þetta kemur fyrir almenningssjónir, þá vona ég að LÖG VERÐI SETT sem tryggja refsingu, ef einhverjum egipta t.d. skyldi detta í hug að fara með dóttur sína til Egiptalands og láta umskera hana þar....

Í ÞESSARI UMRÆÐU slá ýmsir sig til riddara með því að ráðast á Ásmund fyrir að hafa áhyggjur af stöðu mála. HEFUR sama fólk mótmælt meðferð á t.d. Hells Angels meðlimum,sem ekki geta ferðast til Íslands, "þeir eru örugglega glæpamenn"           EÐA þeirri mismunun að samkynhneigðir fá ekki að gefa blóð ? ? ?(Gæti nefnt fleiri hópa sem er mismunað, t.d. reykingafólk sem er alls staðar útskúfað....)
BÍÐUM BARA eftir fyrsta alvöru hryðjuverkinu hér á landi, ÞAÐ MUN KOMA .
Þá mun  "góða fólkið" umburðarlynda kannski sjá að það er eðlilegt að þjóðfélagshópur sem víða um heim stendur fyrir hryðjuverkum,(umfram aðra hópa)  sé undir meira eftirliti en aðrir...
Vonandi rætast EKKI þær slæmu spár, sem ég hef lesið um framtíðina, t.d. spár Nostradomusar, en það er ekki óvitlaust að gera áætlun um viðbrögð við hryðjuverkum og vera ekki eins og aular, þegar eitthvað gerist. Svíþjóð t.d. er eitthvert  "besta land í heimi" fyrir innflytjendur. SAMT búa þeir við hryðjuverkaógn.....
Að endingu, VERUM GÓÐ hvert við annað, (líka við sjálfstæðismenn, þótt þeir séu verr innrættir en aðrir af hugsjónaástæðum flestir...)
Kári Friðriksson.

Spyr um rannsóknir á múslímum á Íslandi

FRAMTÍÐARSÝN 2014. Ljóð um framtíðarmöguleika okkar þjóðar,(sem eru góðir).

    Framtíðarsýn 2014.

Vind og sjó hér virkja þarf, 

vel þá orku nýta.

okkar bíður ærið starf,

ættum minna að kíta.

 

Finna þurfum fleira en ál,

farsælt mun það vera.

Það er ekki mikið mál,

margt er hægt að gera.

 

Hérna næring út um allt,

er í " þangi falin".

Hana að selja´er harla snjallt,

hún er "meinholl" talin.

 

"Sjálfs er höndin hollust þín"

hana að nota, gaman.

Okkar bíður framtíð fín,

fögnum henni saman.

 

Verum ei með "hlekki´um háls"

höldum siðum góðum.

Lifum hér í friði, frjáls,

fyrir öðrum þjóðum.

 

Ég skrifaði þetta inn á Facebook áðan vegna ummæla þar,

næstum án þess að stoppa, þetta "rann svo létt" upp

úr mér.....

ÞAÐ ER FRAMTÍÐ hér á landi......(Þessu MÁ deila.....)