"TENORARNIR ÞRÍR" tónleikar með þremur tenorum, í Háteigskirkju,05.02.2014 kl. 20:00

            Tenorarnir þrír.

Voru það ekki Pavarotti,Domingo og Carreras ?   Það er satt, að þeir eru þekktir sem slíkir,

en aðrir sem halda slíka tónleika eru þá kannski "Þrír tenorar" .

Ég fékk æði fyrir því í nóvember að halda "tenoratónleika", sem áttu að vera í desember, og

EKKI með jólalögum, þar sem mér finnst slíkir tónleikar allt of margir á þeim tíma, og vildi

bjóða upp á val.... Aðeins einn var tilbúinn að syngja með svo stuttum fyrirvara, Einar Clausen,

en hinir voru uppteknir, eða þurftu lengri tíma. Af sjö tenorum sem ég ræddi við voru ALLIR

jákvæðir og til í að syngja svona tónleika, nema helst Snorri Wium, sem ég spurði þá, hvort hann

"vildi ekki halda fram hjá " hinum hópnum, sem hefur komið fram með mismunandi mannskap 

undanfarin ár....

Ég spurði þá sem ég ræddi við jafnframt, hvort þeir væru til í að "stökkva inn" og redda jobbum, ef

einhver kæmu inn, t.d. árshátíðir, og það vantaði tenor, vegna veikinda, eða annara ástæðna.

 Þeir voru allir til í það og því ætti að VERA NOKKUÐ ÖRUGGT að hægt sé að FÁ ÞRJÁ TENORA TIL AР

SYNGJA Á ÁRSHÁTÍÐINNI fyrir þá sem vilja HAFA FLOTT PÓRGRAMM !

HRINGIÐ Í MIG, Kára Friðriksson í síma 6910665, eða þá Einar Clausen í síma 8474200 eða Egil

Árna Pálsson síma 6910900, en við erum þeir sem munum syngja á tónleikunum í Háteigskirkju

þann 5. febrúar, klukkan 20:00, píanóleikari verður þar, Nína Margrét Grímsdóttir.

Hinir tenorarnir, sem gætu sungið fyrir ykkur, eru: Hlöðver Sigurðsson, Gunnar og Guðbjörn

Guðbjörnssynir og svo "lærisveinn Kristjáns Jóhannssonar" sem hann mælti með, Gunnar Björn

Jónsson. Fleiri píanóleikarar voru líka tilbúinir, ef jobb dyttu inn og peningar væru í boði.....

Það verður "GRUNN PRÓGRAMM" sem allir verða að geta sungið, með öðrum, og svo fá menn að

syngja einir, eitthvað sem þeir velja sjálfir, og gera best.....

Tónleikarnir okkar byrja á íslenskum lögum, og dúettum: Máttur söngsins, Þú eina hjartans yndið

mitt, Rósin, Sólsetursljóð o.f.l. Þar næst syngjum við hver eina óperettuaríu og endum saman með

Wien, du stadt meina Traume.   EFTIR HLÉ , verða óperu aríur, jafnvel upp á C og Cís......Einnig 

þekkt "tenorlög" á ensku. (Ég syng Be my love, sem Mario Lanza gerði frægt, MEÐ HÁA CÉI !) 

Ég ætla ekki að telja upp alla efnisskrána, en lofa SPENNANDI og fjölbreyttum tónleikum.

Vonandi munum við tenorarnir svo fá einhver störf við að syngja, á FLOTTUM  skemmtunum eftir að

þetta fréttist.....

Virðingarfyllst, Kári Friðriksson . 

Finn týnda hluti með pendúl. Spáði rétt um fjóra síðustu landsleiki í fótbolta.

Ágætu lesendur.      Pendúlar hafa í gegn um tíðina verið notaðir af sumum

til að spá fyrir um atburði og einnig til að finna hluti.   Ég kynntist konu, sem spáði rétt fyrir

barneignum mínum með því að halda gullhring mínum í spotta  yfir lófa mínum og spyrja um

hvað ég ætti eftir að eignast mörg börn, og af hvaða kyni þau yrðu.

Nokkuð er síðan að ég fór að fikta við pendúla, keypti mér fyrst kristal og batt utan um hann

en fékk síðan annan gefins seinna. Þetta eru EKKI 100% spár, en það er merkilegt hvað margt

hefur reynst rétt. Spáði t.d. RÉTT um sigur,tap eða jafntefli í síðustu fjórum landsleikjum Íslands

í knattspyrnu karla. Birti bæði spárnar á Facebook OG sagði fjölda fólks hverju ég spáði, í vinnunni.

Í fyrradag ákvað ég að prófa pendúlinn við leit af hlut,(bjöllu) sem vantaði í spili sem við eigum.)

Spurði fyrst: Er bjallan inni í stofu? Nei. Er hún inni í svefnherbergi eldri drengsins ? Já. Er hún á

gólfinu, undir rúminu ? (Sem er mjög algengt....) Nei. Er hún kannski í bara í hillunum ? (Sem búið

var að "leita" í áður að sögn ). Já !   Bjallan VAR ÞAR . Ég fann hana STRAX !

VAR ÞETTA SPÁ ? Var þetta kannski bara ágiskun hjá reyndu foreldri ? 

Fólk getur verið ósammála um það, en ég ætla, opinberlega, að bjóðast til að PRÓFA að FINNA

TÝNDA HLUTI með aðstoð PENDÚLS  fyrir fólk . Einnig að spá fyrir fólki, þar sem svarið verður nei, já

eða veit ekki. ( Þetta verður fyrir hóflegt gjald. )Gaman væri að heyra (lesa) sögur um árangur 

annara af slíku.

Virðingarfyllst, Kári Friðriksson, sími 6910665

 

 

Milljón dollara tenorinn, og við hinir.

Ágætu íslendingar.

Ég hef notað bloggið til að losna við pirring vegna ýmisa hluta,sem mér finnast ekki í lagi. Mér finnst mismunun af ýmsu tagi ekki góð. Nú ætla ég að skrifa um tenora, styrki frá stórfyrirtækjum, sem sumir fá, en sumir alls ekki og þöggun af ýmsu tagi.                                                                                      Árið 2006 var enn "góðæri" og sum fyrirtæki virtust allavega hafa nóga peninga. Þess sá líka vott í listum, sem fengu styrki, sem aldrei fyrr. Ég fór að huga að geisladiskaútgáfu og sótti m.a. um styrki, skriflega til 120 fyrirtækja,flestra stórra, án þess að nokkurt hefði áhuga á að styrkja mig.  Nokkru síðar kemur orðrómur um að Icelandair og fleiri fyrirtæki ætli sér að styrkja íslenskan tenor "til útrásar"og heyrði ég töluna Milljón dollarar í því sambandi. (Sumir sögðu pund, enda var útrásin mest í Bretlandi.) Garðar Thor Cortes, myndarlegur og hinn fínast söngvari fékk Einar Bárðarson sem umboðsmann, og komst þó nokkuð á kortið um tíma, í Bretlandi. Einar hvarf svo snögglega, þegar sjóðirnir fóru að minnka og í dag býr Garðar á Íslandi, kennir eitthvað í skólanum hjá pabba sínum og fær að syngja í óperunni, sem tenor númer tvö. Kannski tvær sýningar, en aðaltenorinn fær fleiri sýningar.                                                                                                                           Þetta kom í hug mér í gær, þegar ég var að horfa á sjálfan mig syngja Nessun dorma, með undirleik Árna Ísleifssonar . Hafði ekki horft á það vídeó árum saman, en var bara skolli ánægður með mig, enda upptakan úr mun stærri sal en flest , sem ég tek upp í stofunni heima. Þær upptökur eru þó með sinfoníuhljómsveit, sem er flott, en röddin hljómar betur og eðlilegar í stærri sal.  Ég sá Nessun dorma með Garðari, og hlustaði á það. Þá sá ég gagnrýni á mig, en mínu kommenti hafði verið eytt. Einar Bárðar ,sem setti vídeóið inn hafði svo blokkerað mig frá síðunni.                                             Ég hef gagnrýnt söngvara á sanngjarnan hátt tel ég, og hef fengið fullt af gagnrýni á mín vídeó. Man eftir að hafa svarað (á málefnalegan hátt, að ég tel) ljótri og niðurlægjandi gagnrýni á mig, hvað ég héldi að ég væri, væri miklu lakari en Garðar og Jóhann Friðgeir...Ætla ekki að hafa það eftir, en ákvað að segja mína skoðun. Sagði að þrátt fyrir að Garðar hefði nokkuð fallega rödd, og færi almennt vel með dægurlögin, sem hann syngur í míkrafón, þá væri röddin ekki kraftmikil og ætti það til að hanga dálítið neðan í tóni þegar hann tekur svolítið á, mest í óperuaríum, en einnig heyrir maður því bregða fyrir í dægurlaga upptökunum.  Ég gagnrýndi það að láta svona sleppa í gegn, á disk. Sagði að listrænn stjórnandi hefði ekki staðið sig nógu vel. Veit ekki hvort það var Einar Bárðarson, sem heyrði ekki þegar hann var aðeins neðan í tóni,eða einhvar annar....Þetta er meira áberandi á nýjasta diskinum, þar sem t.d. óperuarían Che gelida manina er með áberandi lægri tónhæð í kaflanum "chi son" sem fer upp á Bb. Þar tekur Garðar dálítið á, röddin þyngist, en lækkar líka. Þetta er á fleiri stöðum, en hefði alls ekki átt að fara á diskinn. Hann hefði getað sungið þetta aftur, aðeins léttar, og í réttri hæð. Ef ég hefði verið að hlusta þar,hefði diskurinn orðið betri.            Ég skrifa þetta ekki síst af því að ég var "beittur þöggun" , en gagnrýnin á mig fékk að standa áfram hjá Einari.                                                                                                                             Þöggun, er því miður víða til staðar, þrátt fyrir að fréttamenn gumi af góðri og víðsýnni fréttamennsku.  Þeir standa með þeim sem ráða, og hleypa ekki hverjum sem er inn í umræðuna.   Ég lenti fyrst í þessu þegar ég hjólaði í  "kerfið" og kærði Fjölskyldu og styrktarsjóð BHM, BSRB og KÍ fyrir jafnréttisbrot. þá fékk kona í fæðingarorlofi pening úr sjóðnum, en ekki karl.  Ég fékk úrskurð frá Kærunefnd jafnréttismála um að þetta væri jafnréttisbrot, en ALLIR FJÖLMIÐLAR sem fengu bréf frá mér um þetta, beittu þöggun... Fjórða valdið brást....Jafnréttisbrot á körlum eru EKKI FRÉTTNÆM !      Haustið 2008 var ég sá fyrsti sem hélt styrktartónleika fyrir mæðrastyrksnefnd, mér fannst merkilegt líka, að þar ætlaði ég að syngja 15 HÁA C , sem er afrek, mundu flestir söngvarar segja. Aðeins EINN fjölmiðill svaraði E-mail og tók viðtal, takk fyrir það DV . Hinum virtist skítsama um fátækt fólk eða tónlistarafrek.....                                                                                                                 Eða þegar ég skorði tenorsöngvara á hólm, um tenorhlutverk (ætti að vera spennandi fjölmiðlaefni) og gagnrýndi stjórn óperunnar og óperustjórann fyrir rangt val í hlutverk og laumupúkahátt með hlutverkaval. Fólk fengi hvorki að vita hvað yrði flutt, né tækifæri á að syngja fyrir.  ÞETTA vildu fjölmiðlamenn flestir "bara þagga niður" og taka þar með ólýðræðislega afstöðu, nema Heimir og Kolla á morgunútvarpinu, sem hringdu í mig.......Heimir sagðist ekki vilja "taka þátt í þöggun" ( Sem ég hafði nefnt í bréfi til hans og fleiri.)  Bergsteinn, á fréttablaðinu neitaði svo, fyrir hönd blaðsins að birta grein, sem ég sendi.(Geymi svar hans...)  Morgunblaðið birti hins vegar grein eftir mig, þar sem ég gagnrýndi óperustjórann, Stefán Baldursson og skoraði Jóhann Friðgeir á hólm, af syngja aríur úr Rigoletto. Taldi ég að hann væri of þungur og með tæplega nóga hæð, til að syngja þetta háa og glæsilega tenorhlutverk. Ég hafði sungið það (utanað) inn á youtube í heild árið áður, taldi það eitt af mínum bestu hlutverkum og var mjög óánægður með það að hafa ekki fengið vitneskju um að það ætti að sýna Rigoletto, hvað þá að fá að syngja fyrir. Ég tek fram að Jóhann Friðgeir er með mjög flotta og kraftmikla rödd,en hún passaði ekki að mínu mati fyrir hlutverk hertogans. Tveir af gagnrýnendum sýningarinnar sögðu líka hreint út, að það hefði átt að velja einhvern annan í hlutverkið, það hefði ekki passað fyri hann.                                                                                       Ég hef fengið bæði fullt af skömmum fyrir þetta, en einnig klapp á bakið... Sumir töldu að Jóhann Friðgeir hefði átt að syngja með mér á áskorendatónleikum og SÝNA að hann væri betri fyrir þetta hlutverk, en ég. Ég hélt í alvöru að hann hefði metnað og þor, til að gera það, en auðvitað er ég með hrikalega örugga og mikla hæð, svo að það hefði kannski fallið mér í hag ? Kannski von að hann þyrði ekki .. Ég get samþykkt það að hann komi mjög líklega betur út en ég í dramatískari aríum eins og Vesti la giubba til dæmis, en ég syng hins vegar Che gelida manina og Di quella pira upp á C, (sem var ekki gert af Gissuri Páli eða Jóhanni Friðgeiri í nýlegum uppfærslum)                                     Ég hef þó áhyggjur af því að tenorar, (allavega Jóhann Friðgeir) VILJI EKKI syngja á sömu tónleikum og ég. Mig grunar, en get ekki fullyrt að sú hafi verið raunin á Stjörnuljósatónleikum sem haldnir voru til styrktar Hagbarði frænda mínum nú í vikunni. Ég bauðst til að syngja, nefndi nokkur lög, og ekki síst háa Cés aríur, sem ég syng gjarnan...Þá kom svar að "það væri í rauninni komið nóg af aríum"  hvort ég gæti ekki sungið frekar lag eftir sjálfan mig, sem ég samþykkti.  Mér datt þó í hug að með því vildu viðkomandi skipuleggjendur hlífa Jóhanni Friðgeiri við að lenda í samanburði við mig. Ef ég syngi aríur sem fara jafnvel upp fyrir C, eins og í La donna e mobile, sem einmitt er ein aðal arían í Rigoletto, óperunni sem ég var nógu kaldur til að skora á einn  frægasta tenor landsins um að keppa við mig um hlutverk í . TÓNLEIKAMORGUNINN var hringt í mig og sagt að það væri svo rosalega mikið af efni á tónleikunum......Ég skildi að það væri "ekki pláss" fyrir mig, en verð að segja að ég varð dálítið, bæði sár og pirraður. Mig grunar að Jóhann Friðgeir hafi ekki viljað syngja, ef ég syngi. Kannski afsannar hann það, með því að syngja tónleika með mér einhvern daginn ....Gætum hæglega sungið "Wagner-Verdi afmælistónleika" og fengið fullt af aðsókn....                                      Það væri auðvitað spennandi fyrir þá sem halda árshátíðir, að fá okkur báða til að syngja. Hann mundi sennilega syngja dramatískari aríur, en ég háa Cés aríur. Fólk verður að átta sig á því að ég var ekki að gera lítið úr honum sem söngvara, þannig séð, heldur benda á að hann passaði betur fyrir þyngri hlutverk. Ekki datt mér í hug að skora á hann að keppa um hlutverk Turiddu eða Cavaradossi, og kann þó bæði... En Hertoginn,Rodolfo og Edgardo, þeir henta mér nokkuð örugglega betur en honum. ÞETTA hefði óperustjórinn átt að vita, ef hann væri góður í sínu fagi.
Jæja, ég fer nú að hætta þessu bráðum, en vil segja, að ég hef enn ekki komið diskinum mínum út,sem ég tók þó upp 2008, korteri fyrir kreppu. Ég missti vinnuna þá um vorið, og einnig dró úr tekjum hjá konunni minni, sem rekur hársnyrtistofuna Heru, í Kópavogi. Í dag vantar mig c.a. hálfa milljón til að fá hann framleiddan og borga það sem þarf. Ég pirra mig á stórfyrirtækjunum, þar sem menn átu gull, og settu öll eggin í sömu körfuna, til að gera Cortes frægan, en "gáfu skít í mig". Á mínum diski eru aríur og canzónur sem síðar er hægt að bera saman við diska frá öðrum íslenskum tenorum. Ég er með Nessum dorma, eins og Garðar. La donna e mobile eins og nokkrir,t.d. Stefán Íslandi. L´ultima canzone eins og bæði Gissur Páll og Kristján . Svo er á diskinum bæði Di quella pira, sem bara Ólafur Árni hefur sungið á disk og arían Pour mon ame, sem ég held að hafi ekki komið út, með íslenskum tenor. HÚN er með NÍU Háa Céum.....                                                             Fyrst ekkert fyrirtæki vill styrkja mig, hef ég verið að hugsa um hvort ég ætti ekki bara að fara með söfnunarkassa niður í bæ, helst í Hörpuna, eða annars staðar á fjölfarna staði innanhúss og syngja, með karaoke nokkur lög, bæði af diskinum, og einnig íslensk lög og fleira . Kannski almenningur vilji frekar gefa nokkrar krónur, heldur en "auðvaldið"    Man nú eftir pirringi yfir heilsíðuauglýsingu frá Arion banka, (mínum banka) sem hafði nýlega neitað mér í annað sinn um styrk , en eyddi stórfé í að segja " TAKK ÓLI " . Til hvers ? Bara til að reyna að tengja sitt nafn við sigurvegara, á aumlegan hátt. (Maður gæti gubbað)  Þeir hefðu frekar átt að gefa honum rausnarlega upphæð í "starfslokasamning" frá þjóðinni, fyrir góðan árangur.....
Jæja.  NÚ ER ÞETTA AÐ VERÐA NÓG. Samt er ég ósáttur við Íslensku óperuna fyrir að hafa ekki döngun í sér til að flytja Wagner óperu á afmælisárinu......

Kári Friðriksson 

Dónaskapur atvinnurekenda sem svara ekki umsóknum, 52 OF GAMALL til að vinna.

Ég ákvað að skrifa loksins blogg, til að losa mig við smá pirring.
Stór partur atvinnurekenda SVARAR EKKI umsóknum.
Það er auðvitað dónaskapur, en LÍKA HEIMSKULEGT, þar sem                                                    
þeir sem hunsaðir þannig eru ekki líklegir til að beina viðskiptum
sínum þangað.
Segjum að 50 manns hafi sótt um á Kökuhorninu, eins og ég gerði fyrir
þremur vikum. Talað er við fimm, og tveir ráðnir.
45 manns eru EKKI VIRTIR SVARS !  
Munu þeir fara þangað til að kaupa með kaffinu ? Kannski tuða þeir við
ættingja og vini, sem LÍKA hætta að versla við Kökuhornið.....
Ég nefni nokkur fleiri fyrirtæki, sem ekki hafa (enn) svarað umsókn frá
mér.
Byggt og búið, World Class, Maxi, Gæðabakstur,Fréttablaðið (365 miðlar) 
Kaffitár, Hótel Centrum,Wilsons pizza, Hlöllabátar og Castello.
ANNAÐ,sem pirrar mig eru fordómar vegna aldurs.
Ég er 52 ára,með mikla starfsreynslu á ýmsum sviðum. Stunda reglulega
líkamsrækt og get á góðum degi tekið 150 kíló í bekkpressu.
Ég hringdi í NONNABITA í morgun og spurði eftir vinnu. Fékk það framan í
mig að "52 ára er ALLTOF GAMALT" til að vinna þar. Hæsti aldur væri 35 ár.
(Samt viðurkenndi viðmælandi að unga fólkið 22 til 26, sem helst væri ráðið
"entist ekki í langan tíma"......)
TAKK FYRIR ÞAÐ NONNABITI, á morgun fer ég með "göngugrindina mína"
og MÓTMÆLASPJALD og stend fyrir utan hjá ykkur.
Ég er að hugsa um að BÆTA HÉR FYRIR NEÐAN nöfnum á þeim fyrirtækjum
sem EKKI SVARA atvinnuumsóknum. Lesendum þessa er VELKOMIÐ að
bæta við þann lista.
Virðingarfyllst,  Kári Friðriksson . 

Fiskikóngurinn,bara kóngur yfir víetnömum ? Íslendingar fá síður vinnu hjá Fiskikónginum....

                Um atvinnurekendur sem "misnota aðstæður og svíkja starfsfólk"

                             FISKIKÓNGURINN vil ráða og ríkja,
                             en ræður bara yfir víetnömum.
                             Umsækjendur íslenskir,þeir víkja,
                             ort er þetta af slíkum,nokkuð grömum.

                             Útlendingar ýmsum stöðum sinna,
                             auðveldara reynist þá að kúga.
                             Bakatil,þeir víða reynast vinna
                             voða létt að svíkja,og í þá ljúga.

                             Við ég ekki versla á slíku stöðum,
                             vil ég að þið gerðuð þetta líka.
                             Atvinnulaus,ei vil standa í röðum,
                             ekki stjórni fasistanna klíka.
               
                     Ort 24.07.2013. Kári Friðriksson. 

 

 

 

                             Ég á það til að yrkja vísur út af hinu og þessu, og auðvitað gerði ég það líka, þegar ég komst að því að "Fiskikóngurinn" ætlaði ekki að ráða mig,þrátt fyrir að hafa látið líklega, og talað um að hann vantaði  "Foringja í búðina". Ég sótti nú bara um vinnu við handflökun, þar sem gefið var í skyn að maður fengi borgað fyrir flakað kíló.....Ég sá,þegar ég kom á staðinn að flestir sem þarna voru voru frá útlöndum og ég heyrði bara um fólk frá Víetnam. Ég beið lengi eftir viðtali, og fylgdist með, og ætlaði að tala aðeins við einn handflakarann. Sá gat hvorki talað ensku né íslensku, og VAR GREINILEGA ekki búinn að flaka nærri því eins mikið og ég um ævina.....Ég gat ekki rætt við Kristján "Fiskikóng" í það sinn, vegna anna og heldur ekki daginn eftir, þegar ég renndi við... Beið þá einnig í drjúga stund, en sá aldrei að fólkið sem vann þar baka til við flökun og snyrtingu næstum allt frá Asíu, FÆRI í kaffi eða MAT !
Ég ætla ekki að fullyrða neitt, en kannski fær þetta fólk ekki rétta kaffi eða matartíma.... STÉTTARFÉLÖG eru kannski ekki að standa sig . Þau ættu að athuga launaseðla og ræða við fólk, EKKI þegar það er fyrir framan vinnuveitanda....
ÞAÐ GANGA SÖGUR um íslenska atvinnurekendur, sem nota sér að kúga útlendinga sem vinnuafl og kannski er "Fiskikóngurinn" einn þeirra. Ég get ekki fullyrt það, en beið frá 11:30 til 12:45 eftir viðtali og sá ENGANN fara í mat þá.
Þegar ég skrifaði í pirringi bréf og lýsti óánægju minni með að fá ekki vinnu, þrátt fyrir að vera með talsverða reynslu og að ég væri mjög á móti því að fyrirtæki flyttu inn útlendinga þegar væri þó nokkuð atvinnuleysi og sum þeirra brytu svo á þeim réttindi fékk ég skot til baka um að ég væri "rasisti og dóni". 
Kannski er ég það, en ég er á móti "nútíma þrælahaldi" og vil EKKI VERSLA við slík fyrirtæki. 
Ég keypti t.d. ALDREI HAMBORGARA á MCdonalds þar sem það komst fyrir opnun  upp að eigendur ætluðu að borga unglingum "minna en lágmarkslaun". Stéttarfélög stoppuðu það, en ÉG VILDI EKKI  versla við "drullusokka sem reyndu svona".
Ég hef frétt um veitingastaði sem svíkja launalega unglinga og útlendinga, og passa mig að fara ekki inn á slíka staði, og hvet aðra til að gera það líka.
Ég man eftir hálf fasískum blaðagreinum um að það sé gott að hafa "hóflegt atvinnuleysi" svo að verkafólk fari ekki að derra sig... 
Ég ætla EKKI AÐ KAUPA FISK AF FISKIKONGINUM ! Ætla að hringja í stéttarfélagið og biðja það að athuga aðstæður á vinnustað og fá að sjá hvað fólkið hefur í laun. 
Ég hvat AÐRA til að gera slíkt hið sama, ef þeir vita um vinnustaði þar sem farið er illa með unglinga eða útlendinga á einhvern hátt. Láta stéttarfélög vita, og versla ekki nema ástandið batni....
Vonandi fer heimurinn batnandi, við getum öll gert eitthvað, Fair trade t.d. 
Virðingarfyllst, Kári Friðriksson tónmenntakennari (atvinnulaus ennþá) kórstjóri,handflakari o.m.fl.

WATER for the WORLD, My idea of a RAINMACHINE. SOUNDWAVES !

Peoople of the World.
I once thought about one gift for the world, what could save most people ? WATER, was the thing I would love to be able to give to all of you.
 I SEND EMAILS to many offices of United States and also some organisations that have water as main interest.  I send letters with my ideas of "making it rain, with help of strong sound waves".
A tool that sends sound waves a long distance  (perhaps to cross) and make the tiny drops of water shake, and perhaps "hit each other"...Get BIGGER and start to fall, RAIN !
I GOT NO ANSWERS from the offices I wrote to, even if the were supposed to think about how to get water for the world......
 I HOPE SOMEONE will see this, and send the ideas to scientist and people with some power..Ready to save the planet....
We must research IF it is possible in one or another way to "shoot down water " from the sky .
Last years dry wther has ruined the crops in many countries..People can see the clouds but NO RAIN !
I hope we can make a tool that will not be too loud, sound polution is bad, perhaps a deep, lowfreequency tone that a human ear can not hear, will " do the job".
I it is loud, it must be away from us, in mountains or whatever.....
Imagine, a wally with windmills to make electric for the "sound guns" (rain machine) (Perhaps solarcells).  If the dont have to be wery BIG, we can have "emergency rain machines" that can be transported to dry places in need ....
IMPORTANT IS that SCIENTISTS START TO WORK on this IDEA .    PLEASE HELP to spread the word.....
Kári Friðriksson, tenor singer from Iceland.

Víkingur REKINN af Fjörukránni,fyrir að skrifa á Facebook. Málfrelsi lítils metið af atvinnurekenda.

Þann 8. september síðastliðinn skrifaði ég blogg, þá nýkominn úr aukavinnu sem ég hef haft í þá 13 og hálft ár, sem er að syngja og skemmta í víkingabúningi,matargestum á Fjörukránni í Hafnarfirði.
Rétt er að nefna að á þeim tíma hefur ýmislegt gengið á og stundum hef ég verið við það að hætta, tvisvar hefur Jóhannes Viðar hringt í mig og beðist afsökunar á því sem hann hafði sagt og ég þá sætt mig við það og unnið áfram. Er ég nær örugglega sá sem hef unnið lengst á Fjörukránni, enda er ég þolinmóður og hef sætt mig við ýmislegt,enda að reyna að vinna fyrir fjölskyldunni. Margir hafa hætt jafnvel í illu, eftir stuttan starfstíma, enda forstjórinn þekktur fyrir að hafa "erfitt skap".                                                                           Þegar ég mætti í vinnu næst, eftir að hafa skrifað umrætt blogg, sem ég læt fylgja með orðrétt á eftir , kallaði Jóhannes Viðar mig inn á skrifstofu í hléi og sagðist ekki vilja hafa það að ég skrifaði neitt um Fjörukrána á Facebook,(eða annars staðar) og gerði ég það aftur yrði ég rekinn. Auk þess yrði ég að taka tafarlaust út , það sem ég hefði skrifað. Kannski var mælirinn orðinn fullur, eftir 13 og 1/2 ár af því að vinna hjá manni sem maður gat aldrei vitað hvort væri í fínu, eða brjáluðu skapi þegar maður mætti í vinnuna.  Ég ákvað að standa á mínu, það ER MÁLFRELSI á Íslandi og bölvuð frekja og yfirgangur að ætla að stjórna því hvort maður tjái sig um starf sitt, sem hefur verið stór partur af lífi mínu í rúm 13 ár. Í ofanálag var ekkert í því sem ég skrifaði neikvætt, nema að ég ætti kannski skilið að fá meira borgað fyrir að standa mig vel á svona stórum kvöldum, (að syngja EINN, fyrir 170 manns). Það hefur Jóhannes aldrei mátt heyra á minnst, að borga aukalega fyrir meira álag.....Hann verður því nískari eftir því sem hann verður ríkari....Laun fyrir söng þar hafa dregist saman um einn þriðja af því sem þau voru, þegar ég byrjaði...SAMT er hann að nota færri söngvara fyrir sömu stærð af gestahóp...
Ég endurskrifa hér fyrir aftan það sem ég skrifaði þann 8. sept, orðrétt:                                                                                            Söng aleinn fyrir rúmlega 170 manns, á Fjörukránni í kvöld....Það gekk reyndar mjög vel, enda er ég raddmikill og fær í að koma fram...Man samt að þegar ég var að byrja þar fyrir rúmum þrettán árum þá var reglan sú að söngvari númer tvö, bættist við þegar fleiri en 25 voru í "Víkingamatseðli". Þá hefðu verði fimm í hóp að sinna svona mörgum. Reyndar voru ekki allir söngvararnir þá með "óperurödd". Það þarf talsverðan kraft til að heyrast þokkalega þegar maður syngur yfir stóra salinn á neðri hæðinni, og reyndar líka "Tunnusalinn" og Hofið" uppi. Þarna næst oft frábær "Brekkustemming" og sennilega enginn veitingastaður á Íslandi þar sem hópar geta komið og heyrt flotta söngvara syngja fyrir sig PLÚS að geta sjálfir sungið fjöldasöng....Eftir "Íslenska prógrammið" í kvöld söng ég t.d. með gestum, Vem kan segla,My bonny, Che sara,Wild rower, Det var brennivin í flasken,Once upon a time og Ring of fire.... (Kann líka fullt af "íslenskum fjöldasöngslögum".)       Ég fer reyndar út fyrir Fjörukrána með mína hæfileika og syng stundum í veislum,bæði einsöng og stjórna fjöldasöng....(Þá oft á aðeins hærra kaupi). Maður nær nú samt dálitlum pening ef maður fær hátt í tíu "job" á mánuði á Fjörukránni.   Staðreynd samt að "fimm söngvarar kosta meira en einn" , þannig að kvöldið í kvöld hlýtur að koma vel út "kostnaðarlega séð".   Listrænt séð ?  Það var góð stemming.....                                                                         SVONA var nú textinn sem ég var rekinn fyrir að birta á Facebook. Dæmi hver sem vill, hvernig sá maður er, sem lætur sér detta í hug að hóta öllu illu til að losna við þessi skrif af netinu.                      Það er MARGT MUN VERRA sem ég gæti skrifað um Fjörukrána og margir fyrrverandi starfsmenn gætu vitnað um.                                        Læt þetta duga í bili, og vona að mér líði betur með það að hafa aðeins "opnað mig" .                                                                       Kári Friðriksson tónlistarmaður og "málfrelsisunnandi".S: 6910665     Bendi veitinghúsaeigendum  hér með á að vilji þeir bjóða upp á "Þjóðlegt tónlistarprógramm á sínum stöðum, þá er ég á lausu.....

10 hræddar sópransöngkonur ! Hræddar við óperustjórann ?

Ég heiti Kári Friðriksson og er tenorsöngvari.
Ég fékk þá ágætu hugmynd um daginn að bjóða "Menningarnótt" og fleiri
aðilum upp á "tónlistarpakka" með tenor / sópran dúettum . Auk þess mundu
söngvararnir syngja sér sínar glæsilegustu óperuaríur (eða óperettuaríur).
Ég fann netfang hjá 15 íslenskum söngkonum, á opera.is og sendi þeim boð
um að æfa og syngja með mér prógram með dúettum. Þrjú netföng reyndust vera
úrelt, tvær svöruðu strax kurteislega að þær væru uppteknar í sumar,önnur
í Noregi, Hulda Björk og hin hér á Íslandi, Auður Gunnarsdóttir.
HINAR TÍU SVÖRUÐU EKKI !
Ég hef grun um að ótti við óperustjórann gæti ráðið nokkru um það. Alþekkt
er að ég hef gagnrýnt hann og stjórn óperunnar fyrir ýmislegt, m.a. pukur
og leynimakk með það sem verður á efnisskrá og "rangt val" í hlutverk .
Óperustjórinn er ekki með tónlistarmenntun (sem mér er kunnugt um)og sumir
hafa í mín eyru gagnrýnt ýmislegt sem hann hefur ákveðið,ÁN ÞESS að þora að
gera það opinberlega. Ég hef reyndar fengið að heyra það að ég hafi TRYGGT
að ég muni ALDREI fá nokkuð að gera við óperuna, SAMA hvað ég batni sem
söngvari. Það sé reiði í minn garð hjá óperunni og þá verður skiljanlegt
að söngkonur vilji ekki FALLA Í ÓNÁÐ með því að syngja með mér.
Ég benti þeim á að hlusta á aríur og dúetta með mér á youtube. Er "karifrid" þar og hægt að finna þar með mér dúettinn O soave fanciulla,(sem mér finnst betur sunginn en var í uppfærslunni OG sjónvarpsskotinu sem ég sá í vetur).
Einnig Libiamo,Parigi o cara,og svo dúetta atriðið úr Rigoletto. Þar syng ég mjög gott Des með sópraninum í lokin,( ólíkt því sem var í Íslensku óperunni). Einnig er fullt af aríum og sönglögum þar á youtube með mér .
Ég hef ennþá áhuga á að fá "dúett partner" ef einhver þorir....
Ég ætla svo að birta nöfn þeirra tíu sóprana sem ekki svöruðu E-mail frá mér
hér á eftir . Vonandi fá þær eitthvað að syngja í óperunni...
Bylgja Dís, Hallveig Rúnars,Helga Rós,Sigrún Hjálmtýs,Signý Sæm,Hlín Péturs,
Vala Guðna,Þóra Einars,Magnea Tómas og Kristín R. Sig .
Þetta blogg var í fróðleiks og kynningarskyni , en ég býð auðvitað upp á "einsöngs pakka" auk þess að hafa fengið vilyrði hjá Geir Ólafssyni um að syngja með mér "Mario Lanza tenor tónleika" sem er flottur "pakki" með fjölbreyttri tónlist, enda söng Lanza í kvikmyndum auk þess að vera flottur
óperutenor. Ég tek einnig að mér að leiða fjöldasöng. Stundum hef ég fyrst
sungið þrjú lög eða aríur meða karaoke undirleik en stjórnað svo fjöldasöng með gítar að vopni.Flottur "árshátíðarpakki".
Ég hef þann metnað að syngja ALLTAF (næstum alltaf)lag eða aríu sem fer upp á Háa C þegar ég kem fram .(Fáir aðrir tenorar gera það.)
Ég set hér netfang og símanúmer á eftir, ef ykkur sem lesið vantar söngvara,
kórstjóra eða SÖNGKENNARA . Það er skrýtið að fleiri skuli ekki prófa að koma í söngtíma til mín, ég hef hjálpað sumum að bæta hæðina talsvert, hún er jú mikilvæg til að standa upp úr meðalmennskunni. Get ÞAGAÐ yfir því, ef þið viljið ekki að það fréttist að þið kíkið í tíma til mín .
Virðingarfyllst, Kári Friðriksson, "Háa Cés tenor" með meiru...
[e-mail] Sími: 6910665

" Mario Lanza, tenor tónleikar" Geir Ólafsson og Kári Friðriksson syngja.

Ég hef meira verið að syngja með gítar að vopni , íslensk þjóðlög og annað efni fyrir matargesti Fjörukrárinnar heldur en með píanóleikara síðari ár. Hef þó metnað til að syngja meira þannig og söng t.d. "Þrír tenorar" tónleika árið 2007 með bræðrunum Guðbjörnssonum og 7 einsöngstónleika árið 2009 með Nínu Margréti Grímsdóttur, sem einnig lék píanóverk .
Ég ER með hljómdisk næstum tilbúinn og syng auðvitað af og til í jarðarförum, afmælum og á árshátíðum eins og gengur.
NÚ vil ég bjóða upp á mjög flottan "tónlistarpakka" þar sem Mario Lanza er minnst með því að syngja eingöngu lög og óperuaríur sem hann söng .
Ég talaði við Geir Ólafsson, sem er þekktur fyrir að fara vel með dægurlög liðinna ára . Hann er einnig hinn ágætasti tenor, hefur jafnvel stundað nám hjá sjálfum Kristjáni Jóhannssyni. Hann sagðist syngja með mér, ef mér tækist að selja pakkann. Sennilega er Geir meira á heimavelli í dægurlögunum en ég, en ég mun þó syngja þau líka. Hef t.d. sett Be my love inn á youtube með mér. Það lag var eitt af þeim sem gerðu Mario Lanza að stórstjörnu og seldist í milljónum eintaka . Geir mun örugglega syngja Serenade úr óperettunni Stúdentaprinsinn og við syngum líka saman nokkur af lögunum í stíl "Tenorarnir þrír".
Líkleg lög auk fyrrnefndra eru t.d. O sole mio, La donna e mobile, Nessun dorma,Una furtiva lagrima og Recondita armonia......(Kannski, O Danny boy.)
Ég hef háleitar hugmyndir um að selja "pakkann" t.d. á veitingahús, þar sem fínn kvöldverður með svona skemmtiatriðum gæti gengið vikum saman.
Enginn vafi er á því að unnendur klassískskrar tónlistar og fólk í eldra kantinum vildi gjarnan fara á slíkt "Galakvöld" enda var Mario Lanza mjög vinsæll á sinni tíð. Þetta yrði mun ódýrari pakki heldur en stórsýningar eins og Abba sýningin. Hótel Ísland (Park inn) er efst á lista hjá mér, en allt niður í Iðnó kemur til greina. Þar hafa,þrátt fyrir smæð staðarins ,gengið lengi þematengdar sýningar og tónleikar.
Ég hef sent stærstu sumarhátíðum upplýsingar om "pakkann" en er ekki komin með neitt fast.....Þeir sem hafa áhuga geta haft samband við mig, (eða Geir)
ég hef netfang [e-mail] Sími: 6910665
Virðingarfyllst, Kári Friðriksson, tenorsöngvari.

Íslenska Óperan. Til hamingju með Eldborgarsalinn !

Ágæta tónlistaráhugafólk.
Undirritaður hefur stundum gagnrýnt óperuna fyrir ýmislegt,bæði í blaðagreinum og bloggi.
Nú er mér ljúft of skylt að greina frá ánægju minni með þau vinnubrögð sem þar eru stunduð,þar sem nýlega hefur fjöldi íslenskra söngvara sungið "fyrirsöng" í Eldborgarsal Hörpu og einnig fréttist fyrir þó nokkru hvaða óperu stæði til að flytja á næstunni.
Það hafa allir söngvarar sem ég hef rætt við um þetta verið sáttir við þetta og vonandi verður þetta raunin í framtíðinni.Þá getur enginn talað um "pukur og leynimakk" eða "klíkuskap" eins og stundum hefur verið hvíslað um allt frá þeim dögum þegar Garðar og Ólöf Kolbrún réðu ríkjum.
Ég verð að taka fram að þrátt fyrir að ég hafi gagnrýnt stjórn Íslensku Óperunnar og óperustjórann Stefán Baldursson þá hefur hann sýnt kurteisi
í svörum sínum til mín eins og sæmir þroskuðum stjórnanda ,rökrætt málin og meira að segja sendi hann mér boð um prufusöng nú í desember.Takk fyrir það Stefán.
Auðvitað munu nokkrir tenorar koma til greina í hlutverk það sem ég vildi helst fá,Rodolfo.Það er tenorhlutverk þar sem helst þarf að geta sungið alla leið upp á háa C oftar en einu sinni (nema menn kjósi að lækka ) og auk þess þarf þó nokkurn raddþrótt og karlmennsku . Þó nokkur fjöldi tenora getur sungið "léttari" tenorhlutverk,án þess að henta í þetta. Svo er það einnig staðreynd að ennþá færri tenorar henta fyrir hlutverk Manricos í óperunni Il Trovatore,sem sumir telja að verði flutt í haust. Ég tel að ég sé einn af örfáum sem gæti sungið það,hef jafnvel sungið erfiðustu aríuna á tónleikum sem ég hélt haustið 2008 til styrktar Mæðrastyrksnefnd Reykjavíkur "15 Háa Céa tónleika" þar sem ég gaf aðgangseyrinn mæðrastyrksnefnd.
La boheme er nokkuð auðveldari fyrir tenorinn að sumu leiti,hafi hann góða hæð.Hann þarf ekki að vera eins kraftmikill,en syngja ljúft og rómantískt á köflum. Ég setti nú um daginn Che gelida manina og O soave fanciulla á youtube,fyrir mig og aðra til að sjá / heyra hvernig ég syngi þessa dagana. Hafði þá sungið fyrir í Eldborgarsalnum fimm dögum fyrr.Ég er "karifrid" á youtube,ef einhver vill finna upptökuna og hlusta. Allavega er þarna samanburður við þann,eða þá sem munu syngja Rodolfo.Ég kann bæði hlutverkin.
Þetta blogg er sett inn til að sýna að ég get allt eins hrósað og gagnrýnt.
Það er almenn ánægja með Íslensku Óperuna þessa dagana og vonandi verður svo áfram.(Vonandi fæ ég svo enn fleiri störf við söng út á bloggið.Reyndar hafa youtube upptökurnar gefið mér slatta af söngstörfum,mest þó Rósin.)
Virðingarfyllst, Kári Friðriksson,tenorsöngvari. [e-mail] Sími: 5640665/ 6910665